壽司廣 (已結業)

係Open Rice度search過想食日本野,呢間既食評幾好,就同男友去試下...(第一行橫向為1-3)1.海膽- 好鮮甜,冇海水味/苦味,幾好...2.大拖羅- 非常好食,唔算好肥,不過男友話北海道既好食好多!3.赤龍(定赤綠?)壽司- 係師傅推介,好爽口,都幾好食...(第二行橫向為4-6)4.即開鮮帶子- 同一般壽司舖食既唔同,呢個爽既,唔係"立"既,唔同板前既咁肥同"漏/立"...5.秋刀魚壽司- 呢個好香好好食... 好有heart既壽司!6.赤貝壽司- 鮮味彈牙,都ok...(第三行橫向為7-9)7.帶子裙邊壽司- 師傅話唔好side左佢,加左d醬油整埋黎食,都幾好食...8.左口魚壽司- 淡淡地,我唔係太喜歡...9.中拖羅- 見食評好多人讚呢個,叫左一件試下,大拖羅好食好多!不在相中:10.生八爪魚壽司- 男友話好好食...11.是日水果係梨同提子,梨好似貢梨,不過好清,提子係巨峰,但我唔係太喜歡食巨峰,唔爽... 12.餐前梅酒,好香好甜,冇咩酒味,連平日唔飲酒既我,都全杯飲晒!仲有要讚成日加茶,又識係食晒壽司時換過杯茶...雖然貴,但食物質素同Service都好!