華苑潮州閣

营业中

休息中

潮州菜比較少食，朋友介紹咗呢間比我，叫我當小菜咁試吓，估唔到又幾正喎。蠔烙對我嚟講呢個好驚喜，味道好之餘，厚料，勁多蠔仔，亦充滿蛋香，暫時係我食過最好味嘅蠔餅。之前出面食或一般大排檔嘅煎蠔餅都好厚粉，冇蛋香亦冇乜蠔仔，淨係得個油字，呢個完全冇呢種感覺，一定要試。芋蓉香酥鴨必食！外面酥脆，入面芋蓉夠粉又滑，包埋鴨一齊食成件事好match, 口感同味道都一流呀！糖醋伊麵雙麵王個麵整得好有水準，唔會好油膩，而我食潮州菜一定會叫，自己負責加糖加醋好開心😆 整體上食物質素非常滿意，唯獨服務就一般般，千祈唔好有期望。