The Salted Pig (新城市廣場一期)

营业中

休息中

寻晚去咗呢间餐厅度食饭，分别叫咗德国咸猪手，手撕猪肉配墨西哥芝士粟米薄脆，牛油带子番红花意大利饭。先讲只咸猪手，好大份已经切好埋，同埋佢食落唔系太咸，啲皮都好脆，同埋配埋酸菜食几好食，仲有啲烤薯仔同埋甘笋，食落去好香同好热。至于个手撕猪肉配墨西哥芝士粟米薄脆，本身以为唔系好大份系小食，点知原来佢有主菜咁大份。粟米薄脆配芝士食落去好香，啲猪肉食落去咸咸地，加上芝士有啲烟韧，配合脆卜卜嘅薄脆几好食。到过牛油带子番红花意大利饭，估唔到反而份量佢系最少，不过食落去都好香，因为好重牛油味。如果两个人食嘅话唔需要叫呢个意大利饭，净系只猪手同埋个薄脆都已经足够。整体嚟讲三样嘢都几好食，可以下次再嚟过。不过有一样嘢值得留意就系，唔知系咪间餐厅嘅设计问题，成间餐厅都好嘈，食客讲嘢好大声，好大回音，搞到好似去咗大排档咁。