影片
更多
2019-05-30
214 浏览
今日去咗食佢個公司三文治（$42），等咗大概15分鐘到，就有得食。三文治有三大件，排得幾靚，睇到橫切面。麵包稍微烘過，包邊有麥皮同瓜子仁，幾脆同埋有淡淡麥味。第一層中間夾住番茄，火腿，同芝士。番茄新鮮；芝士應該係車打芝士，不過無融到，如果有融到味道會更好。第二層係蛋沙律，煙肉同生菜，蛋沙律用咗蛋黃醬去撈，不過我覺得有少少太多醬，有啲漏，如果多番啲真蛋會更好食；煙肉唔會好多肥膏，幾crispy；生菜都新鮮。整體味道唔錯，份量夠飽肚。不過我覺得服務可以好啲，呢間餐廳成日都無位，要企喺食緊嘢嘅人隔離等，呢個安排唔太好（因為佢個定位唔係快餐，如果單食意粉，飯嗰啲都要60－70蚊，仲未嗌嘢飲，其實好應該有人嗌飛），同埋有啲枱櫈唔夠高，有啲枱矮到去到膝頭，食起上嚟會有啲麻煩。
公司三明治
$42
27 浏览
1 赞好
0 留言
第一層中間夾住番茄，火腿，同芝士。番茄新鮮；芝士應該係車打芝士，不過無融到，如果有融到味道會更好。
第二層係蛋沙律，煙肉同生菜，蛋沙律用咗蛋黃醬去撈，不過我覺得有少少太多醬，有啲漏，如果多番啲真蛋會更好食；煙肉唔會好多肥膏，幾crispy；生菜都新鮮。整體味道唔錯，份量夠飽肚。
不過我覺得服務可以好啲，呢間餐廳成日都無位，要企喺食緊嘢嘅人隔離等，呢個安排唔太好（因為佢個定位唔係快餐，如果單食意粉，飯嗰啲都要60－70蚊，仲未嗌嘢飲，其實好應該有人嗌飛），同埋有啲枱櫈唔夠高，有啲枱矮到去到膝頭，食起上嚟會有啲麻煩。
张贴
