影片
更多
2014-03-01
1386 浏览
唔打食評都唔知原來出街食嘅頻率係咁高，最近一出街食都打，一打就好幾篇，雖然只係亂糟糟自己嘅諗法，但打出黎都幾有滿足感。哈哈。今晚仲會出街食晚餐，肯打埋就一日三篇囉。出咗深水埗還機頂盒，朋友致電要晏啲食晚飯，所以決定先行醫肚，經過依間甜甜地，記得年前去過都唔錯，再黎。七點左右得一枱客兩個人，我做第三個客，坐低店員都無特別理我，先講環境，比松記，許留山啲位闊落好多，我就係坐係影唔到嘅一邊卡位，乾淨光猛。餐牌入面有好多選擇，見價錢都唔貴，雪花冰都係30蚊以內，傳統中式糖水1415蚊，係一間可以30蚊以內埋度單嘅糖水舖(係，我真係好在意有啲糖水舖勁劏客。)因為有幾款都想食，突然好似有選擇恐懼症咁，坐咗幾分鐘先做到決定，一揚手，睇落懶懶閑嘅店員都即刻過黎，唔錯，真係唔可以以貌取人。由於好鐘意食糯米滋等等QQ口感嘅食品，所以叫咗芒果雙圓，再加6蚊6粒燒賣(Well,又覺得堂食可以做到依個價好抵囉。)以依間咁少客黎講，要用十分鐘先上度甜品實在有啲漏氣，心諗至少燒賣都上度掛，但一邊估唔係即叫即煮or蒸嘛？唔趕時間就算，芒果雙圓先上，有啲失望，個碗咁細嘅，只係比飯碗大少少，但我又好快平衡番自己，個碗細但
出咗深水埗還機頂盒，朋友致電要晏啲食晚飯，所以決定先行醫肚，經過依間甜甜地，記得年前去過都唔錯，再黎。七點左右得一枱客兩個人，我做第三個客，坐低店員都無特別理我，先講環境，比松記，許留山啲位闊落好多，我就係坐係影唔到嘅一邊卡位，乾淨光猛。
餐牌入面有好多選擇，見價錢都唔貴，雪花冰都係30蚊以內，傳統中式糖水1415蚊，係一間可以30蚊以內埋度單嘅糖水舖(係，我真係好在意有啲糖水舖勁劏客。)因為有幾款都想食，突然好似有選擇恐懼症咁，坐咗幾分鐘先做到決定，一揚手，睇落懶懶閑嘅店員都即刻過黎，唔錯，真係唔可以以貌取人。由於好鐘意食糯米滋等等QQ口感嘅食品，所以叫咗芒果雙圓，再加6蚊6粒燒賣(Well,又覺得堂食可以做到依個價好抵囉。)
以依間咁少客黎講，要用十分鐘先上度甜品實在有啲漏氣，心諗至少燒賣都上度掛，但一邊估唔係即叫即煮or蒸嘛？唔趕時間就算，芒果雙圓先上，有啲失望，個碗咁細嘅，只係比飯碗大少少，但我又好快平衡番自己，個碗細但滿出黎喎，平時食個啲個碗係大啲，但得三份二滿咋喎，仲賣你唔貴，想點？fine，接受。試食，芒果夠甜，涼粉夠涼，芋圓硬咗啲同無乜味，但唔係唔好食，係普通。食緊嘅時候，黎多三枱客，而燒賣都黎埋。唔錯喎！夠熱又唔似蒸咗幾年等客咁，軟熟，豉油淡淡甜甜唔會死咸，分數高過甜品。
飽飽，個甜品碗雖然細，食完都好滿足，心諗總好過賣你40蚊，大大碗食濟你丫，始終好多人都係食完飯先黎食甜品，宜家咁樣幾好。同埋我記得以前食過紅豆泥個碗無咁細，可能只係食品上嘅分別。應該再經開，好突登再黎食。
张贴
