鮨秋 (已結業)

午市唔使加一👍鰹魚湯牛肉稻庭幼烏冬+配加州卷兩件其實最感覺麻麻哋，就係個稻庭幼烏冬。可能係我第一次接觸呢一款烏冬，食落去嘅感覺有少少似壽桃牌上海麵。鰹魚湯底又層次OK嘅。肥牛都唔算係好肥，還好吧。至於碗入面有兩大件蘿蔔，但係食落去都係冇醃過嘅蘿蔔。麵豉湯不錯的，唔似一般飲到麵豉嗰隻死鹹。但係我唔明點解面試湯偏油？加州卷正常，唔伏。三文魚三食丼，漬物三文魚有驚喜。飯有點多。紫色嗰一坨泥係洋蔥泥。自家味道幾好，唔會太辣。