影片
更多
2017-12-08
406 浏览
系铜锣湾工作左一个上午，大概两点终于有午饭食。想揾个舒服位置坐下，肚子又饿需要食下正餐，最后选择左办馆。第一次走上Tower 535，一直以为系写字楼，原来系上面大堂位置，划左一个大范围做餐厅。环境清幽，梳化櫈位得舒适。面口有两大位日清仔做宣传，入内亦都有一个比人要高嘅日清仔，手捧住嘅出前一丁更系高到上天花板。无叫到出前一丁套餐，点左All day breakfast with Parma Ham ($88)，饮品转左Caramel Creme Brûlée Coffee(+$20)。午餐包埋餐汤，绿色嘅外貌，入口却系几香浓嘅杂菌味。不嬲都中意忌廉汤creamy嘅口感，而呢度又唔会过份浓郁，作为餐前享用都几合适。All day breakfast 包括炒蛋、薯饼、茄汁豆、肠仔、沙律，仲有烘面包，都几大份。整体食物水准正常，薯饼热辣辣特别惹味，炒蛋都属微温，只系略为老左少少。八爪鱼型肠仔都几大条，我自己就唔太喜好油炸食物，不过的确香口。一开始见片面包白雪雪唔多吸引，拎上手仍然温热，而且软绵绵，口感不俗。Caramel Creme Brûlée 卖相相当少女，呢度唔整拉花，反之系用蝴蝶酥同
第一次走上Tower 535，一直以为系写字楼，原来系上面大堂位置，划左一个大范围做餐厅。环境清幽，梳化櫈位得舒适。
面口有两大位日清仔做宣传，入内亦都有一个比人要高嘅日清仔，手捧住嘅出前一丁更系高到上天花板。
无叫到出前一丁套餐，点左All day breakfast with Parma Ham ($88)，饮品转左Caramel Creme Brûlée Coffee(+$20)。
午餐包埋餐汤，绿色嘅外貌，入口却系几香浓嘅杂菌味。不嬲都中意忌廉汤creamy嘅口感，而呢度又唔会过份浓郁，作为餐前享用都几合适。
All day breakfast 包括炒蛋、薯饼、茄汁豆、肠仔、沙律，仲有烘面包，都几大份。整体食物水准正常，薯饼热辣辣特别惹味，炒蛋都属微温，只系略为老左少少。八爪鱼型肠仔都几大条，我自己就唔太喜好油炸食物，不过的确香口。一开始见片面包白雪雪唔多吸引，拎上手仍然温热，而且软绵绵，口感不俗。
Caramel Creme Brûlée 卖相相当少女，呢度唔整拉花，反之系用蝴蝶酥同脆粒将其布置，七彩缤纷。又想食甜品但又怕太甜嘅关系，点左少糖，果然最合个人口味。咖啡相对淡，面层嘅奶泡上果然有焦糖，用匙羹敲落去，感觉的确似焦糖布丁般香脆。
女孩子嗜甜，尤其系心情欠佳嘅日子。再点左伯爵茶焦糖布丁($55)，好彩有叫埋呢个全餐最满意嘅食物！布丁香滑不在话下，绝对要用Q弹黎形容。淡淡嘅伯爵茶芳香，再加上甜甜蜜蜜嘅焦糖，实在令人心情大好，压力都大减。实在多得呢道甜品，令我心灵或多或少都得到一点嘅慰藉。
张贴
