玄鮨

营业中

休息中

心心念念想食omakase厨师发办好耐，奈何平时见到嘅日式餐厅价钱都几贵，味道特别日子又唔舍得用一大笔钱去食omakase，总会有点肉赤。之前听朋友讲试过呢间餐厅嘅午市套餐几抵食，加上餐厅主打omakase，所以谂住今日嚟试下，当平平地食一餐omakase都唔错。-Sashimi Lunch $330前菜先有黄萝卜渍物、𫠒红鱼萝卜秋葵汤同一碗面豉汤。呢碗有8款刺身，有拖罗、赤贝、油甘鱼、鱿鱼、带子、牡丹虾、鲣鱼等。带子新鲜嫩口，拖罗肉厚肥美。-Deluxe Chirashi $360跟餐有莲藕渍物前菜、茶碗蒸，同样有一碗面豉汤。呢款系高级版午市套餐，同样有多款刺身，底层有紫菜饭配渍物。刺身方面会更高级少少，有海胆、三文鱼籽、赤虾、吞拿鱼腩、冬菇鱿鱼、鲭鱼等。海胆份量多，味道鲜甜，无咩腥臭味。三文鱼籽粒粒弹牙，入口多汁。平时好少食到吞拿鱼腩，油脂丰富，食落几特别。食到饱一饱，最后仲附送甜品，拣咗绿茶雪糕夹心饼。饼皮烟烟韧韧，绿茶雪糕几香，为午餐完满作结。