生果甘

話說觀塘食黎食去都係味精嘢，突然想食fresh d 同light d, 就諗住搵沙律食。OpenRice 左勁耐，見到呢間價錢相宜，感覺又睇落乾淨，就決定試下啦~~

雖然佢係響工廠大廈裡面開，但一入門口見都乾淨企理，有種家庭式homemade 小店感，感覺唔錯，至少都應該係健康冇味精的。店主好熱情招呼而且睇得岀用心製作，佢有唔同醬汁同沙律款式揀，今次我就揀左水果沙律($28)，睇得岀係嚴選過，同食得岀水果同沙律菜係新鮮當日準備(掛住食唔記得影相)。切得又靚擺得又靚，好多顏色咁，咩種類既水果都有。同事一見我打開個蓋，嘩左一聲，好豐富又好食咁，女仔食會覺得飽，唔似得7仔個d又少，d葉又黃。今次真係食得好開心，下次會組隊買，因為佢會送外賣的，支持小店！