大大個招牌其實都幾易搵。
今年我都經常在尖沙咀同埋銅鑼灣返工，不過the one平時真係比較少過嚟食嘢，近排想搵泰國餐廳食，見到好多人都推薦呢間餐廳我就嚟咗食啦。
會見到個格局都幾輕鬆，位置不會好緊迫。
蝦餅。入面好有咬口，點埋個汁真係不得了。
最近氣管敏感我都只係叫咗個熱柚子蜜。
另外一杯係青檸梳打，同好多泰國餐廳一樣都係會俾埋支梳打水你自己倒，侍應生有問我哋要唔要多啲冰。（咁細心既
）
海鮮焗飯
好香菠蘿味，有三隻蝦已經脫殼俾你，有肉鬆俾你撈埋一齊食。
蒜蓉炒菜，唔好睇佢一對綠色咁樣以為冇味，蒜香味好香架！
食完個菜覺得太好食，我哋追加左多一個泰式炒西蘭花，味道係比較辣，食泰國嘢都係有返啲重口味好啲
芒果椰汁糯米飯，呢啲不嬲都係王牌，預咗好食，個糯米飯唔會痴到好實（成日出面食都變到一嚿嚿好難吉開
）整體：呢度人流本身多，嘢食出得快，所有野基本上都係即時整，全部都好新鮮。
環境上其實有分入面同埋外面，員工唔算特別多，但勝在警覺性強，你一舉高手好快佢已經睇到，明明我坐到最出。（佢哋有香港人同埋外籍同事，如果英文講唔掂可以叫返香港人嚟落單）
今次冇食海鮮，下次再食過！
