水準一直保持極高
差唔多全部滷水野都係高質
推介鴨、鵝、豬耳、牛蹍、豬脷、雞腎
同埋聽住：
滷水鴨飯$30！！堂食外賣同價
雞鴨雙拼$36！！
喺食野愈嚟愈貴既北帝街附近，佢一定係最好食同時最平既滷味。
平時食開佢既外賣滷水拼盤，今日試左堂食。堂食位置加左冷氣（以前好似係冇）。雖然位處街市但係非常整潔。筷子有盒裝起。
今日係食雞鴨雙拼飯再加豬耳共$48。鴨肉一如以往腍得嚟入味。雞唔會太肥。豬耳好爽而且調味適少少中，唔會太咸或太油膩。感覺到佢既滷水唔係用普通八角，係用味道較香既品種。
最重要係伴碟既酸菜！！少少酸辣非常開胃，唔係街邊普通料。
