敍亨軒海鮮火鍋

营业中

休息中

好耐冇同爹哋媽咪飲茶，今日喺尖沙咀搵到一間真心平靚正嘅酒樓，點心堅好食！而且仲係每日新鮮製造有幾款點心我特別鐘意🙌🏻✨海皇紅米腸用紅米磨成米漿做皮，裏面有鮮蝦同油炸鬼，口感好豐富！✨鮑魚燒賣皇每粒燒賣上有大大隻鮑魚🤩即刻高級左🤪裡面有蝦同豬肉等，整體口感好彈牙。✨喇沙小籠包 而家讚好酒樓嘅專頁就可以免費送🤭喇沙味小籠包，好新穎！鹹鹹地辣辣地又意外地match～✨黑椒金錢肚調味非常惹味！黑椒味夠辣！✨馬友鹹魚肉餅煲仔飯一打開蓋就聞到超香！馬友鹹魚肉餅非常香口～如果煲仔飯有埋飯焦就完美😂✨甜品方面大推楊枝甘露同燕窩流心黃金球！前者嘅料好足，西米、柚子肉、芒果粒⋯而且甜度剛好💕後者望落去好似一個煎堆，上面先有燕窩，而咬落去就有留心鹹蛋黃⋯超級好食🤤