元豐騰海鮮小廚 (已結業)

尋晚同同事出深水埗買野，跟住搵野食，同事朱仔帶我黎左呢間【元豐騰海鮮小廚】食晚餐，呢到真係擺明只求食飯的地方，店鋪只係普遍到唔普通的裝修，內有6張卡位，4張圓枱，我地晚上7:00pm去到時，全場滿座，需要等左一陣先有枱比我地，為左慳時間，等枱時候已經決定食咩餸喇！我和同事兩人，點左4個小菜😋😘😘豉汁蒸魚咀，豉油皇鵝腸蒜蓉蒸海蝦，通菜炒鮮尤兩個白飯，兩罐汽水，兩碗黑色生熟地例湯另加一個小菜【黃金蝦】外賣，計晒所有野，埋單都只係$380，認真抵食😋而且好味👍下次一定會再幫襯！