麗香園冰室 (興華廣場) (已結業)

今晚同屋企人去附近商場的茶餐廳食晚餐，七點幾八點門口都排長龍，不過流動量都很快，等了一陣就有位。鹽焗雞：份量都算多，雞肉嫩滑，雞皮爽口，醃得又入味，雖然係冰鮮雞，但都有雞味。韮王蝦球炒滑蛋：炒蛋幼滑香口，不會炒得過老，蝦球有七至八隻，入口爽彈。鮮茄焗原塊厚切豬扒飯：豬扒就不算厚身，但勝在大件，舖滿飯面，而且幾juicy，下面是炒飯底，番茄汁都很多，酸甜開胃，不過略點芝士。芒果爆珠桂花烏龍冷泡茶：芒果味突出，爆珠就比較甜，搶了桂花烏龍的味道。