美孚。友樂鮨 (已搬遷) 新店位置

真係比較少嚟呢頭食野，原來都有間隱世日本料理店，食材好新鮮，而且價錢公道，值得推介！🍴 午市Omakase ($550) ⭐️⭐️⭐️⭐️⭐️Omakase包括有三個前菜、三款刺身、七款壽司、一碗三色丼、味噌湯、咖啡及甜品。前菜係汁煮大根、普通沙律同埋龍蝦沙律，龍蝦肉都有兩三件，食得出好新鮮！刺身就有鯛魚片、拖羅、帆立貝，鯛魚片切得超薄，可以見到魚肉係晶瑩剔透好新鮮！拖羅同帆立貝就勁厚切，望到都已經覺得值回票價。壽司就包括北海道牡丹蝦、秋刀魚、伊佐木、金目鯛、深海池魚、炙燒吞拿魚面頰、黃帝蟹肉軍艦。當中最好食嘅係黃帝蟹肉軍艦，師傅好有心機拆晒啲蟹肉，而且係多到瀉晒出嚟，好回本！仲有炙燒吞拿魚面頰，燒一燒之後d香味出哂嚟，d精粹就完完全全展現左出黎！食到好飽嘅時候仲有一碗海膽三文魚籽碎吞拿魚飯，超級足料而且每樣野夾埋口感非常豐富！最後仲有個抹茶厥餅同埋咖啡做甜品，食完成個set實在大滿足！🍴 壽司定食10貫 ($298) ⭐️⭐️⭐️⭐️⭐️如果午餐唔想食咁貴可以試吓呢一個set，定食包括有前菜沙律、茶碗蒸、10件壽司、烏冬、甜品或者咖啡。師傅會精選出最新鮮嘅魚做壽司，當日我哋試咗帆立貝、甘蝦、赤魚、伊佐木