香港608冰室 (青山道) (已結業)

有時候茶餐廳都唔能夠淨係睇外表，喺荔枝角一間普通茶餐廳原來隱藏實力。完全望落去唔起眼嘅茶餐廳，竟然食物質素咁高，價錢平民。今日下午三時入去食下午茶，之前都有試過佢嘅午餐，但係下午茶嘅話就未試過啦。一坐低睇下個餐牌，就知道係用心經營嘅茶餐廳，因為餐牌上面嘅下午茶種類都已經有20款，如果一間普通嘅茶餐廳絕對唔會係下午茶仲要做咁多款式，可想言之呢一間茶餐廳係絕對有心經營。我今日就揀咗款廚師推介，黑松露炒蛋多士。炒蛋要吵得好食絕對唔係一件容易嘅事，一上碟就知道炒蛋係吵得相當出色，另外配合埋麵包嘅鬆軟程度及香脆程度簡直冇得頂，黑松露帶出香味。完全冇諗過咁簡單嘅炒蛋多士都令我對佢印象深刻，可以講話係食過咁多間茶記黎講，最有心製作嘅多士，絕對不馬虎，絕對可以一試。