韓閣 (已搬遷) 新店位置

荃灣搵到間平價韓國菜，午餐非常之抵，大概六十幾蚊左右，而且選擇非常多。去到店員就會畀啲前菜我哋：有泡菜、白蘿蔔粒及青瓜粒。我哋想叫咗海鮮煎餅，呢到有啲似中式薄撐，但係就比較多配料，有蔥、魷魚、蝦等等，都煎得幾香。午餐叫咗鐵板泡菜五花腩，增量版仲會加送年糕。五花腩一片片，咬落充滿油脂幾香，而且辣辣地，味道唔錯。年糕整得煙煙韌韌。叫咗海蜆大醬湯，湯底辣辣地，但唔會好辣，都幾多蜆，仲有青口，少量菜。雞翼一客有五件，炸得幾香脆配上蜜糖芥末醬，感覺幾新鮮。啲雞整得幾滑，不錯！見有人參茶就叫咗一杯嚟飲，真係用人參沖出嚟，甘甘地感覺清熱。