康記菜館 (已結業)

同朋友去长洲玩咗大半日，决定留低食埋晚饭先返市区，误打误撞就嚟到呢一间康记菜馆，其实都冇做过research唔知边间好食，价钱就间间都差唔多，见呢间个阿姐把口又几得，所以就坐低咗。先嚟个粟米羹，份量都多，每人饮咗一大碗都仲有净，鱼肚配罐头粟米汤，味道当然好！扇贝就好细只，而且唔算好新鲜。白灼虾大小适中，应该都有半斤嘅份量。豉椒炒蛏子嘅汁煮得几惹味，少少辣，蛏子爽口冇沙。椒盐鲜鱿份量都足够，应该每枱客都有点呢碟，大人细路都啱食。因为冇蚬，所以叫咗条蒸红友，肉质一般。小朋友最爱嘅生炒骨，酸味味好开胃。墨鱼腐皮卷，就系平时鱼蛋类嘅朋友，都ok嘅！最后系清炒生菜，菜够新鲜，加咗少少蒜蓉，清哂！呢餐风味平民海鲜餐，埋单只需五百几就有咁多嘢食，都算抵食嘅！