神輿日本料理 (已結業)

朋友生日，知道佢鐘意食日本菜，特意book左放題，呢度既裝潢非常日本風，食物種類多，刺身、壽司、小食、炸物、鍋物、手卷、甜品等一應俱全。刺身夠新鮮，三文魚夠肥美，象拔蚌爽甜朋友至愛，我則最愛甜蝦。炸物即叫即炸，其中最推薦芝麻雞翼，醃得入味有肉汁，烤得香脆。之後再食埋個芝士年糕夠滿足。焗蠔芝士豐厚， 而焗虎蝦有沙律醬加芝士，十分惹味。最後甜品時間，綠茶雪糕奶味較重，菓子口感似糯米糍，紅豆餡唔會太甜。閒日晚上黎食都幾多人，記得預早訂位啦。