添食堂 (已結業)

呢間平民台灣菜小店，價錢親民。首先試咗佢哋嘅紅燒牛肉手工刀削湯麵（小辣）。呢個湯麵面條煙韌有嚼勁，牛肉煮得腍身，湯底清清地帶辣味，啱啱好刺激味蕾。小吃方面，炸花枝丸幾彈牙。另外，揀了鹽酥雞排藥膳新竹米粉。雞排外層炸得香脆，配上新竹米粉同藥膳湯底，幾特別。素滷肉麻油A菜，滷肉香氣濃郁，麻油味道適中，A菜爽口，呢個菜式簡單，非常適合想食清淡啲嘅朋友。最後，飲品揀了水蜜桃愛玉綠茶帶有清新嘅水蜜桃香，愛玉口感滑溜。凍炭燒烏龍茶。茶味香濃，帶有淡淡嘅炭燒香，飲落去非常順口。