正宗印度菜館

营业中

休息中

决定系九龙城食印度菜，系因为午餐既价钱好抵，仲要唔洗加一。两个人大该一百左右就食到饱🤣。我谂冇边到食到咁平既印度菜。 有就话我知！！我地就叫左午餐推介。印度胡椒饼（Free）辣辣地，所以配薄荷青酱中和下。小食：印度咖哩角和春卷 咖哩角就系用面皮包住有香料既薯仔蓉和扁豆。见人地食samosa会配薄荷酱。至于，个春卷就冇咩特别，同茶楼食既差唔多。主菜：咖哩牛同咖哩羊配薄饼naan两款咖哩颜色唔同，深红色同姜黄色，但食落去差唔多味。 可能为左就香港人既口味，所以唔辣同唔重香料味。两款肉都好淋，冇羊膻味，唔错。 薄饼就真系好多，食到饱都未食完 。饮品：一定系饮奶茶，同港式啊泰式奶茶唔同。+5蚊，叫masala tea。佢用铁壶装住倒俾我地。果铁壶真系好烫手。香料奶茶都好易入口，别有一番风味。下次试下二人餐先，更多唔同印度野食。