越味皇 (已結業)

今日同朋友黎到荃灣最多野食既街 見到咁多人排隊就去試下我地一坐低就叫左杯青檸梳打同咸檸梳打 而架出去飲一杯青檸梳打都成二十幾蚊 但越味皇價錢平 都係十三蚊一杯 仲要係全罐梳打因為我好鐘意食越南小食 所以毫不猶豫地叫左雜錦拼盤 佢既春卷炸得好脆口 而個餡都好足料 蒸既只係個外皮有唔同 個餡都係一樣味而個蔗蝦全部都係蝦肉 好香好濃 我同個朋友大家各自叫左一碗粉 叫左豬扒湯檬同埋越味皇火車頭湯河火車頭湯河好足料 裏面有牛丸牛肉生牛肉蘿蔔牛筋 每樣材料都好好味 而且湯粉分量足夠 最後叫左越式燒魚 外皮燒得好香脆 內裏魚肉嫩滑 魚味香 食落去冇腥味