59
7
2
等级3
50
0
2020-12-20 68 浏览
今日下就收工约左女朋友到佐敦庙街食下午茶餐。最近无乜胃口,所以想搵间酸酸辣辣既开胃餐厅。於是去左呢间越式餐厅,去到个环境舒服,布置得好乡村怀旧,食客都好好,令到环境都宁静。服务员好有礼貌同比较热情,帮我地准备好晒啲餐单食具。打开餐单,好似车仔面咁,有好多配料比你选择,胃口细既可以叫份量少,胃口大呢就可以加底!大家可以选越式汤河或者捞檬既~亦都有地道前菜小食比大家,饮品除左餐厅常饮之外呢,亦都有越式特饮~事不宜迟,肚仔饿,一於点餸食啦!咁我地叫左一款汤面同捞檬。猪肉札肉及豆卜配金边粉(招牌牛骨汤底)好味指数:8/10一上碟,成个摆设布置觉得好精致的色,配菜调味料分开上,由客人自己选择放几多。牛骨汤饮落去真系好鲜甜,落足料,劲好饮,配埋爽滑既金边粉连汤一齐连札肉放落口到,简直无得弹,豆卜索埋啲牛骨汤汁,好味😋。捞檬配香茅牛肉好味指数:10/10钟意酸辣既朋友就一定要试呢款啦,够晒开胃!啲配料十足,好多洋葱同葱,仲有加埋啲炸蒜,再将檬粉浸埋酸辣汁度放入口,好味到雪雪声。香茅牛肉都非常好食,好入味,牛肉都好滑好弹牙。前菜及小食:香茅烧牛肉米纸卷好味指数:10/10食越南菜点少得叫米纸卷食呢,粉
更多

今日下就收工约左女朋友到佐敦庙街食下午茶餐。最近无乜胃口,所以想搵间酸酸辣辣既开胃餐厅。

2 浏览
0 赞好
0 留言

於是去左呢间越式餐厅,去到个环境舒服,布置得好乡村怀旧,食客都好好,令到环境都宁静。

1 浏览
0 赞好
0 留言

服务员好有礼貌同比较热情,帮我地准备好晒啲餐单食具。


打开餐单,好似车仔面咁,有好多配料比你选择,胃口细既可以叫份量少,胃口大呢就可以加底!大家可以选越式汤河或者捞檬既~亦都有地道前菜小食比大家,饮品除左餐厅常饮之外呢,亦都有越式特饮~
9 浏览
0 赞好
0 留言


事不宜迟,肚仔饿,一於点餸食啦!


咁我地叫左一款汤面同捞檬。


2 浏览
0 赞好
0 留言
6 浏览
0 赞好
0 留言
猪肉札肉及豆卜配金边粉(招牌牛骨汤底)
好味指数:8/10

一上碟,成个摆设布置觉得好精致的色,配菜调味料分开上,由客人自己选择放几多。牛骨汤饮落去真系好鲜甜,落足料,劲好饮,配埋爽滑既金边粉连汤一齐连札肉放落口到,简直无得弹,豆卜索埋啲牛骨汤汁,好味😋。


3 浏览
0 赞好
0 留言
捞檬配香茅牛肉
好味指数:10/10

钟意酸辣既朋友就一定要试呢款啦,够晒开胃!啲配料十足,好多洋葱同葱,仲有加埋啲炸蒜,再将檬粉浸埋酸辣汁度放入口,好味到雪雪声。香茅牛肉都非常好食,好入味,牛肉都好滑好弹牙。


前菜及小食:
2 浏览
0 赞好
0 留言
香茅烧牛肉米纸卷
好味指数:10/10

食越南菜点少得叫米纸卷食呢,粉丝饱满,牛肉香滑弹牙,再点埋酸辣酱,一口咬落去,成个食道都舒服晒!


3 浏览
0 赞好
0 留言
蒜香牛油鸡翼:
好味指数:10/10

一咬落去,系用清脆响亮形容,脆声大到隔离客听到,真系岩岩鲜炸,再加埋上面浸蒜茸,咬落连啲肉汁出晒黎,非常好味😋。


3 浏览
0 赞好
0 留言
牛肉串烧
好味指数:9/10

因为牛肉太好食啦,所以都系叫牛肉,牛肉串好足料,烧得岩岩好,啖啖都系肉,淋上沙爹酱,好好食。


饮品:
1 浏览
0 赞好
0 留言
青柠梳打
好饮指数:9/10

食左咁多浓味既美食,呢款最岩清新口味,我劲钟意酸,唔怕酸既朋友可以试下,感觉好fresh !


1 浏览
0 赞好
0 留言
珍多冰
好饮指数:10/10

椰奶味劲浓,里面仲有斑兰椰汁糕粒,唔会甜,香浓幼滑,非常好饮!

店主好好人,食完之後都会送咗一支抗疫酒精搓手液,好warm !
1 浏览
0 赞好
0 留言

下次一定会再过嚟再食多次!



(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食