Grill n More (已結業)

已經兩年無食過呢間自助燒烤，小朋友行過話想食，網上check左價錢，平日中午最抵食，反正小朋友又食得唔多，都係志在出去拎下野食、飲品，玩下燒烤，食下雪糕。而家出去食個午餐都要$50, $110食過自助燒烤，可以坐兩、三個鐘，雖然野食唔多，無貴價野食，但都已經好ok. 放左學1:30pm去到，估唔到已經坐滿八、九成，職員表示可以食到三點。野食分開熟食同燒烤食物。熟食都幾多，豬腳薑、炸薯條、花生炆豬手、生炒骨、蒜蓉炒西蘭花、蘿蔔炆牛腩、炒飯、咖哩雞、炒四季豆、人蔘雞湯，前菜有泡菜、酸蘿蔔、雲耳、白雲鳳爪。都幾多選擇。燒烤食品都係大路野，雞翼、腸仔、豬牛扒、金沙骨等，唯一的海鮮係青口。飲品有自己菊花茶、酒，罐裝汽水。甜品兩個雪糕櫃，有牛奶公司雪糕同雪條。另外有個鳥籠裝住碟芝士撻，賣相好靚，但好難食總括來說，四個人$415埋單，食個幾兩個鐘，任飲任食，食物味道正常，款式選擇足夠，小朋友食得開心。