鳴越越式料理 (已結業)

極少去港島區食飯嘅我，今晚就黎到位於上環同中環中間嘅越南餐廳。咁坐低一睇餐牌嘅時候，就發現呢間餐廳係港島區黎講，係算係非常平。咁我就叫左個越式火車頭，勝在夠多料，呢碗河粉有生牛肉，牛腩片，牛丸，牛筋同牛栢葉。而每一樣嘅牛都食得出好有牛味，冇乜雪味。另外，我再加左個越式炸春卷小食，加18蚊就有4條春卷，春卷入面嘅料都好多，唔係淨係得個皮。而且仲可以配埋生菜去食。最後，配埋個椰汁珍多冰就perfect 啦，大大杯嘅珍多冰有好多椰汁，味道亦都唔錯。