賀喜 (美孚新邨) (已結業)

今晚同朋友嚟到美孚，趁愚人節去食日本嘢，入咗呢間賀喜試吓睇吓有冇驚喜〜先睇Menu,有散嗌有套餐，好快決定咗要個大阪二人前套餐，有前菜，湯，冷烏冬，天婦羅燒三文魚鮫，當然唔少得刺身壽司啦。🤤等咗冇耐刺身就上枱，刺身共4款，但全部都勁大塊勁厚切，好新鮮，溶雪溶得好，一啲雪味都冇，三文魚油脂好夠，比較特別嘅係仲有款象拔蚌刺身，好彈牙爽口！刺身呢part我同朋友都俾好高分！所以決定再加點佢嘅藍鰭吞拿魚壽司！🍣之後嚟咗壽司盛，北寄貝，帶子，油甘魚，三文魚，玉子，蟹籽同2件招牌卷，全部都好鮮甜，招牌卷亦做得好好，上面層鰻魚唔會太薄，成嚿食落口感好好，都幾滿足。追加嘅藍鰭吞拿魚壽司好快就嚟到，店員上菜前特別講明係即日日本貨，上到嚟賣相一流，吞拿魚，中拖，大拖好明顯唔同，店員亦介紹由深食到淺色。感覺比之前嘅壽司盛相比，醋味較突出，亦好重吞拿魚味道；中拖油脂分佈適中，搭上細蔥一齊食，魚油味好香好出色；最後嘅大拖油脂最多，入口即溶，超好食，回甘嘅魚油一直留喺口腔久久未散〜🤤🤤🤤之後套餐其他餐點好快就上齊，燒三文魚鮫，天婦羅，湯同冷烏冬，正常定食水準，燒三文魚鮫火侯啱啱好，連我唔太食魚嘅人都覺得幾好食〜天