店內地方細小，座位約十個，可避免人多擠迫，我坐低朋友出去揀食物。食物只有英文名，多以gram計，近門口既麵包櫥則無名無價錢，你主動問店員，佢地會樂意為你解答。朋友應我要求，買左個薑餅人俾我，個樣相當討好，興幸唔駛等到聖誕節都可以食到薑餅人。
由於唔係我點菜，所以唔知叫咩名，有個似忌廉雞湯，好香味道濃郁；另外有薯仔批，面頭有D外國菇，但嫌個批硬；主菜唔知點叫，有D豆有D洋蔥有D飯咁既有少少似沙津，比較外國口味；仲有兩樽Snapple，我諗我地都係六七成飽。價錢一般，唔係平價野，埋單約百幾蚊，多謝朋友請食飯。
整體感覺幾好，環境同食物好有Homemade feel，好親切。唯與店員溝通要講英文，佢地D食物名都幾難讀。我下次會試下夜晚來，睇睇會唔會有驚喜。
