君戶鍋貼大王 (已結業)

同係附近做野既朋友發現呢間食晏好平既地方。佢既大漠麵28蚊，一個麵送小吃同飲品。我同朋友嗌左一個清湯味，一個麻辣味。小吃嗌左蔥油餅，涼拌木耳。另外嗌左５個鍋貼和燒賣８粒。埋單都係８０蚊內。清湯味真係好清，比水有味多少少。麻辣味係好假既辣油味，唔好味。木耳爽口，夠凍，酸辣都適中。蔥油餅，厚厚的，都唔會太乾，蔥味都算香。鍋貼，皮厚餡多，有肉味同肉汁。魚肉燒賣８蚊８粒，質感死死實實。-食到都好飽，呢個價錢係灣仔，呢個味道，可以啦。唔算太好味又唔叫難食既。平價頹食之選。