泓 (已結業)

聽朋友講有間鐵板燒好抵食，環境又好，所以就book左2位試下。..我地嗌左日本帆立貝牛柳二人餐，都係$998，好抵！.茶碗蒸 - 非常滑，有好多料，湯底非常鮮甜！.跟住係日本帆立貝，好新鮮，煎得岩岩好，唔會太老，調味都唔錯。.廣島蠔沾左啲粉，煎香左之後表面脆脆地，配埋煙肉係面非常可口！.美國安格斯牛柳，可以加$50升級做西冷或者加$200升級做日本和牛。我地冇升級到，要左兩份牛柳，五成熟。廚房功架十足，煎得岩岩好.跟住有黃金炒飯，炒得乾身，粒粒分明.最後上埋什菜，湯同生果。.雖然價錢比起出面鐵板燒係平，但服務、擺盤都唔差，體驗唔錯！推介大家都黎試下！