溢溢掂 香港味道 (已結業)

之前係生果日報見到介紹中環平食車仔麵，$30就有兩餸麵！！價錢咁大眾化梗係要去食下喇！揀左豬軟骨同魚皮餃做餸，豬軟骨好值得推介！豬軟骨果醬汁甜甜地幾惹味。肉質鬆軟，軟骨部份好多膠質，岩哂補充骨膠原！但麵既份量比平時食開車仔麵少，黑洞吃貨未能食飽飽！值得一提既係湯底同麵分開盛載，即使外賣，都唔怕番到去會淋哂d麵！據生果日報介紹...湯底係店主自家煲既豬骨湯，唔係味精湯！的確湯底唔會好油膩同唔會好鹹，幾健康咁不過...豬骨味不算突出！整體黎講...不過不失，勝在價錢夠平！