20
1
1
等级4
224
2
2017-12-06 2499 浏览
好开心今日赖生同屈小姐都获得左委派,开心既时候系特别容易肚饿,特别想食野庆祝下既,所以系聚会完左之後,我地好迅速咁搵野食啦,屈小姐就同赖生商量,究竟食泰国野,越南野定辣野好?其实赖生心底梗系拣辣野啦,但佢好清楚减紧肥既屈小姐问紧既唔系一个问题黎,所以赖生拣左越南野,冇咁肥麻(你以为啦⋯⋯)经过左投票表决之後,赖生迅速带屈小姐到达《Soo Viet》,一间都On list左系屈小姐美食板块上既舖头,一间传闻食越式法包好出名既舖头!(利申:面包怪)一去到发现一样恐怖既事实就系天气温度一跌少少,隔离间坤记已经劲爆多人了!相反我地2个就拉开门入去呢间越南野一拉开门,天与地⋯呢间舖头居然大把位,赖生同屈小姐近乎任坐咁济⋯(呢个时候心谂:会唔会中伏呢?)不过值得欣赏既系:间舖头既楼底都好高,冇压迫感。而店员服务都好贴心,唔会催你叫野食,仲留意到赖生同屈小姐应该会2个人Share食,主动提供2只碗仔添!而且赖生同屈小姐都冇叫套餐又冇叫野饮,佢都好醒目咁即时奉上2杯暖水,系暖水喎,唔系热水,可以即刻入口一饮而尽既温度此外,呢度既侍应系讲疑似越南话自己沟通既,应该系越南人黎既,相信呢间野本身应该都几正宗
更多
好开心今日赖生同屈小姐都获得左委派,开心既时候系特别容易肚饿,特别想食野庆祝下既,所以系聚会完左之後,我地好迅速咁搵野食啦,屈小姐就同赖生商量,究竟食泰国野,越南野定辣野好?其实赖生心底梗系拣辣野啦
,但佢好清楚减紧肥既屈小姐问紧既唔系一个问题黎,所以赖生拣左越南野,冇咁肥麻
(你以为啦⋯⋯


84 浏览
0 赞好
0 留言


经过左投票表决之後,赖生迅速带屈小姐到达《Soo Viet》一间都On list左系屈小姐美食板块上既舖头,一间传闻食越式法包好出名既舖头!
(利申:面包怪


一去到发现一样恐怖既事实就系天气温度一跌少少,隔离间坤记已经劲爆多人了!相反我地2个就拉开门入去呢间越南野


75 浏览
0 赞好
0 留言


一拉开门,天与地⋯呢间舖头居然大把位,赖生同屈小姐近乎任坐咁济⋯
(呢个时候心谂:会唔会中伏呢?
)不过值得欣赏既系:间舖头既楼底都好高,冇压迫感。而店员服务都好贴心,唔会催你叫野食,仲留意到赖生同屈小姐应该会2个人Share食,主动提供2只碗仔添!而且赖生同屈小姐都冇叫套餐又冇叫野饮,佢都好醒目咁即时奉上2杯暖水
,系暖水喎,唔系热水,可以即刻入口一饮而尽既温度


此外,呢度既侍应系讲疑似越南话自己沟通既,应该系越南人黎既,相信呢间野本身应该都几正宗下


381 浏览
0 赞好
0 留言

383 浏览
0 赞好
0 留言


既然佢地冇催落单,咁赖生同屈小姐当然要开个详细既会议,比较下套餐同非套餐既分别
!结论系:如果⋯唔系减紧肥既你,当然叫套餐会比较抵,有小食(炸春卷2条/青木瓜沙律)连野饮。但於我俩黎讲,都系散叫比较化算


生牛肉河粉
$46
50 浏览
0 赞好
0 留言


1)生牛肉汤河:4⭐️


好正宗味道既生牛肉汤河
,金不换同其他香草已经一早落左系汤底度,汤底既味道都带好重香料味,而且睇得出佢用左大量牛骨去熬汤,因为好多骨髓粒粒系汤度
!牛味都强劲


而且河粉好滑,既吸味,又唔易断,配呢个汤几好味,吸满汤既精华


生牛肉呢,薄薄几片,有成8块左右!超多呢
而且唔肥,所以变相就有少少Un,但有牛肉味既


可惜既系,个汤底真系太油,令我地对住个汤有点胆怯,唔太敢连汤食


由於汤油同牛肉Un既关系,整体扣1⭐️

特式牛肉捞檬
$52
73 浏览
0 赞好
0 留言


2)特式牛肉捞檬:3⭐️

特式牛肉其实唔错既,嫩滑有咬口,牛肉味出!檬粉弹牙索汁!本应系上佳之作,但弊在个捞檬汁
!同平时食开既捞檬汁好唔同,唔知系唔系想建立自己既特色定点,过甜!
甜到冇左捞檬汁微辣同微酸既味道,冇晒层次兼夹奇怪⋯所以大扣分!


猪肉越式法包
$45
92 浏览
0 赞好
0 留言


3) 猪肉越式法包:4.5⭐️


超正既一个法包,外脆内软既程度做得好出色好分明,外面脆到系一咬落去碎花四溅,入面松软既程度同外面形成一个鲜明既对比,口感好正,而且个包包好大个,连赖生个血盆大口都唔可以一啖食晒,温度又好够热,好正!!

除左法包抵赞之外,配料都几多,烤猪肉,萝卜丝同青瓜都有,猪肉烤得好好,脆边加Juicy,而个法包冇落到牛油,令人食落感觉好清新! 而味道既主要来源除左猪肉,仲有就系佢秘制既酱,味道好清新! 不过其实只要系萝卜丝度下D苦功,腌一腌腌酸少少,味道层次会更强,而且整体味道更佳,就唔需要靠加酱啦,始终酱可能系邪恶既来源!

451 浏览
0 赞好
0 留言


最後同场加映一张Lunch menu比大家! Lunch好平呢!



总结:

Soo Viet系一间味道其实中上,份量价钱合理,服务良好既餐厅,但某d食物出品上真系要改善一下,例如捞檬汁同汤底太油既问题,如果改善到,其实都应该可以变到赖生同屈小姐既越式Canteen之一,如果再次造访,都应该系因为佢既越式法包!!


#收到委派啦
#要好好庆祝
#一路上有你
#久违的散步谈心
#极珍贵的自然
#与你一起成长
#原来越式法包也是第一次
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2017-10-28
用餐途径
堂食
人均消费
$71.5 (晚餐)
推介美食
生牛肉河粉
$ 46
猪肉越式法包
$ 45