意蠔屋 (小西灣道)

营业中

休息中

喺呢頭真係唔算多餐廳，見呢間小店lunch time座無虛席，就入去試下。餐廳面積唔大，大概5-6枱左右。叫左一個白汁菠菜雞肉意粉，焗野起菜都算快。份量唔細食得飽，芝士幾香而且雞肉都好滑，質素唔差。另外跟餐有熱飲，叫左熱檸茶。如果係每日午餐就會跟湯同飲品，我呢個意粉就無包湯，但我另外加$6要左個白湯。不過味道就一般啦。超級杰好厚身嘅質地，仲會飲到麵粉結塊，有啲粟米粒咁。小店服務都好快手，見老闆同啲熟面口都有傾有講，態度唔錯。作為快食午餐都算合格。