813 MUSIC BOBA TEA HOUSE

這餐廳位於Southside地面，早前經過免費試飲咗兩啖，覺得很特別，紅茶在底部，上面有一層厚厚的、帶鹽味的奶Cream，於是心思思要搵日去幫襯一杯歎吓！

今天適逢有時間，於是就買了一杯經典奶緹紅茶 （$58）試吓，原本打算Take Away，店員提議我可以隨便坐，那我就坐下來飲兩啖先。不過如果直接飲，只會飲到頂那層奶緹，於是我取一支飲管，啜一啖紅茶，再直接飲一啖奶緹 …. 這種口感很特別，富層次感。紅茶冇澀味，高質素；奶緹有少少鹽味，所以唔覺得漏。

價錢方面，$58 係有點貴，但這杯飲品好大杯，茶的質素都高，價錢也差不多吧！

最後我坐咗喺間餐廳接近一小時，慢慢歎呢杯奶緹紅茶，繁忙中總要抽一點時間讓自己放空一下。