影片
更多
2018-02-13
560 浏览
同媽媽食飯，想食啲質素好既中菜，又想靜靜地，今次就上網搵到呢間係跑馬地既壹玖捌叁。菊花豆腐燉花膠湯 $188菊花豆腐湯並唔係由菊花煮成，而係將豆腐切至極幼既絲，再放係湯中，形成花一樣既效果，極考師傅刀工。花膠足有一厘米厚，口感煮得剛好，彈牙又足滿膠質。飲呢個湯真係可以同時得到視覺同味覺既享受，好滿足。麻辣墨魚頭 $78好惹味既前菜，有麻油香，又有一堆香草既清香，再加埋少少麻辣既刺激感，令爽彈既墨魚頭片變得好有層次感。濃湯鮮竹銀杏浸時蔬 $148我特別鐘愛食鮮竹，所以叫左呢個鮮竹銀杏浸芥蘭。鮮竹好滑，有豆香。芥蘭已經被師傅細心處理過，削去較厚既外皮，保留爽脆既心位同葉，好岩我地兩母女口味。蜜汁香欖骨 $148呢個蜜汁香欖骨相當有驚喜，每條骨都被香甜蜜糖包圍，然後有濃濃既黑椒味，食落又甜又香！而且肉質煮得剛好，軟硬適中，唔會好難咬。反而欖菜既味道唔係好強，所以唔食欖菜既人都可以一試。京都陳醋咕嚕肉 $158點呢個咕嚕肉既時候，貼心既侍應即時提醒我地已經叫左兩個都係豬肉做既主食，會唔會考慮其他肉類。不過因為我鐘意食酸酸甜甜既野，所以依舊點左呢個咕嚕肉。黎到既時候見到旁邊既畫已經覺得賞心悅目，
菊花豆腐燉花膠湯 $188菊花豆腐湯並唔係由菊花煮成，而係將豆腐切至極幼既絲，再放係湯中，形成花一樣既效果，極考師傅刀工。
花膠足有一厘米厚，口感煮得剛好，彈牙又足滿膠質。
飲呢個湯真係可以同時得到視覺同味覺既享受，好滿足。
麻辣墨魚頭 $78好惹味既前菜，有麻油香，又有一堆香草既清香，再加埋少少麻辣既刺激感，令爽彈既墨魚頭片變得好有層次感。
濃湯鮮竹銀杏浸時蔬 $148我特別鐘愛食鮮竹，所以叫左呢個鮮竹銀杏浸芥蘭。
鮮竹好滑，有豆香。芥蘭已經被師傅細心處理過，削去較厚既外皮，保留爽脆既心位同葉，好岩我地兩母女口味。
蜜汁香欖骨 $148呢個蜜汁香欖骨相當有驚喜，每條骨都被香甜蜜糖包圍，然後有濃濃既黑椒味，食落又甜又香！
而且肉質煮得剛好，軟硬適中，唔會好難咬。
反而欖菜既味道唔係好強，所以唔食欖菜既人都可以一試。
京都陳醋咕嚕肉 $158點呢個咕嚕肉既時候，貼心既侍應即時提醒我地已經叫左兩個都係豬肉做既主食，會唔會考慮其他肉類。
不過因為我鐘意食酸酸甜甜既野，所以依舊點左呢個咕嚕肉。
黎到既時候見到旁邊既畫已經覺得賞心悅目，而且咕嚕肉粒粒飽滿圓潤，掛滿陳醋汁。
食既時候先食到酸甜微脆既外層，然後裡面係啖啖肉，超級送飯。
桂花飄香燉雪梨 $42冬天食呢個桂花燉雪梨 ，又滋補又暖粒粒，仲有陣陣桂花幽香。
紫薯金沙球 $36見到人地食呢個流沙球，又心思思多點一個甜點。
紫薯煎堆既外層，包住流沙蛋黃，係邪惡既飯後甜品。
呢到既環境寬敞，食物食得出廚師既心機，而且店員都好細心，不時加茶、換碟。
已經決定好新年時帶多一次家人黎食開年飯。
张贴
