Amusement Eatery (已結業)

特色菜系黎講南美菜相當受歡迎，想一次過試勻墨西哥、秘魯等地嘅菜式嘅話推薦黎依間有霓虹燈襯托、氣氛一流嘅特色餐廳（｡ò ∀ ó｡）❝塔斯曼尼亞羊架❞ ($228)〔推介！〕可能因為個人愛好羊肉所以唔覺得有臊味，不過不能作準HAHAHA 可以作準嘅係羊肉肉質嫩滑酥軟，一般羊肉好容易過靭，依到就無問題～特色薄荷汁味道似牙膏XD 配菜有紫薯等乾蔬菜。❝芝士和牛肉醬闊條麵❞ ($188)闊條麵係我最愛嘅麵種，餐店出品嘅闊條麵相對薄身，口感有別於一般意大利麵，感覺比較輕盈。肉醬份量相當多令每條麵條麵可以沾上醬汁，牛肉香氣撲鼻～❝傳統秘魯檸檬漬魚生❞ ($168)要小心依款小菜係相當之酸嘅！（利申愛酸程度係身邊人嘅眾人之首）魚生口感爽滑而且異常彈牙，相當特別。配合大量洋蔥等材料及香料，係秘魯當地特式前菜，可以一試！❝南美檸檬特飲❞ ($58)〔推介！〕餐店應該無落 / 落咗好少糖漿，酸度偏高，相當啱我口味，比起一般lemonade有更多後勁。❝熱情果手搖水果茶❞ ($58)有多款口味如菠蘿、柚子等等可選，而茶底都係偏甜，怕酸嘅朋友可以揀選生水果茶～一樣咁清爽，食酸嘢辣嘢必備！(ง ˆ̑ ‵̮ˆ̑)ว゛𓂃𓈒