影片
更多
2017-06-12
894 浏览
打邊爐就係將生的食物放入湯中滾熟，所以最重要的當然係食材同湯底，只要呢兩樣野都係高質，咁成件事就衰極都有限其次的就係環境同服務，環境來說，胡爐係古時宮廷式的裝潢，無論燈飾、椅子、碗，都仿佛想將客人帶回古時的宮殿，就等我地做一晚皇帝皇后啦湯底有好多款選擇，有名貴的湯，亦有價錢較相宜的，可因應自己預算來選擇，有一些平日較少見到的特別食材，例如牛舌芯、牛胸爽同牛骨髓椰青 ($48)採用左新鮮椰青，打邊爐用黎下火一流，喜歡生果自然的清甜味冬瓜花膠雞翅鍋 ($368)我而家一路打呢篇食評，再睇番D相，又好想食想次呢個鍋啦~~湯用左大大舊冬瓜墊底，上面再放有半隻雞的雞件，仲有見到好多魚翅，充滿氣派的一個鍋，第一次用咁多上級材料的湯底打邊爐，睇黎我今晚真係做左皇后了店員等我地相機食完之後，就幫我地將冬瓜切件方便食用，因為雞件係全生咁上檯先煮，唔怕一早已經滾到鞋晒，雞肉食落好滑湯底全無味精，唔單止無味精，簡直就係充滿住精華，有濃濃的金華火腿味，湯中有唔少花膠，雖然用的是花膠筒，但份量好多，除左面頭睇到的翅，估唔到湯入面藏住左排翅，我地幾個都好驚訝用左咁上乘的材料，我地4個打邊爐之前差唔多飲晒成鍋湯順帶
其次的就係環境同服務，環境來說，胡爐係古時宮廷式的裝潢，無論燈飾、椅子、碗，都仿佛想將客人帶回古時的宮殿，就等我地做一晚皇帝皇后啦
湯底有好多款選擇，有名貴的湯，亦有價錢較相宜的，可因應自己預算來選擇，有一些平日較少見到的特別食材，例如牛舌芯、牛胸爽同牛骨髓
椰青 ($48)採用左新鮮椰青，打邊爐用黎下火一流，喜歡生果自然的清甜味
冬瓜花膠雞翅鍋 ($368)我而家一路打呢篇食評，再睇番D相，又好想食想次呢個鍋啦~~
湯用左大大舊冬瓜墊底，上面再放有半隻雞的雞件，仲有見到好多魚翅，充滿氣派的一個鍋，第一次用咁多上級材料的湯底打邊爐，睇黎我今晚真係做左皇后了
店員等我地相機食完之後，就幫我地將冬瓜切件方便食用，因為雞件係全生咁上檯先煮，唔怕一早已經滾到鞋晒，雞肉食落好滑
湯底全無味精，唔單止無味精，簡直就係充滿住精華，有濃濃的金華火腿味，湯中有唔少花膠，雖然用的是花膠筒，但份量好多，除左面頭睇到的翅，估唔到湯入面藏住左排翅，我地幾個都好驚訝用左咁上乘的材料，我地4個打邊爐之前差唔多飲晒成鍋湯
順帶一提，呢度連個湯匙都特別D，平時打邊爐成日用到的那種，放左食物上去再放入鍋滾，食物就會飛左唔知去邊，用左等於無用，但今次用到呢個就可以避免左呢件事發生，除左呢個湯匙，仲有隔油隔，係打邊爐好重要的一個用具，但偏偏好少地方會提供
豬潤 ($68)豬潤厚薄切得岩岩好，煮完之後都有少少起沙的口感，最岩我地幾個女仔補補血
飛驒和牛肉眼A5 ($298)睇到咁平均的油脂分佈，直頭雲石咁，就已經夠晒吸引，每片記得灼幾秒就食得，肉味濃又嫩，雖然貴但都值得一試
自家製炸響鈴 ($68)最鐘意食即炸響鈴，響鈴吸晒個咁正湯底黎食就更加正，而且響鈴層數都幾多，咬落幾有口感
野生竹笙 ($118)一望個樣已經知同平時食開的竹笙級數完全不同，野生竹笙比起人工培養的罕有珍貴得多，價錢更加係唔能夠比較，一條條完整的竹笙，好明顯無人工培養加工漂白後的咁白，食落爽口，比平常食到的更吸湯，原來竹笙有止痛補氣，降血壓及降膽固醇的用途，係好健康的食品
白鱔片 ($128)白鱔片起骨起得好徹底，平時打邊爐食到的總係仲會留有一兩條細骨，今次令我食得比較安心，白鱔片用黎打邊爐肉質夠爽，我鐘意佢每塊魚肉都好大塊
炸榴槤 ($15/粒)炸榴槤係續粒叫的，一咬開有濃濃的榴槤味湧出黎，入面釀滿新鮮榴槤肉，炸皮連著住係煙煙韌韌的MOCHI，呢粒甜品意外地好好食
桂花椰汁糕最後有甜品送，就係每人有一件桂花椰汁糕，經過一輪邊爐之後已經食到好飽，呢個小甜品唔太甜作尾都不錯
香港的邊爐界鬥爭愈黎愈犀利，要突圍而出當然要講求食物質素、環境同服務，胡爐三個方面都做得好出色，特別係食物質素方面實在好高，用的都係靚材料，價錢雖然不算平，但卻物有所值
张贴
