更多
2019-11-08
6719 浏览
两母子间唔中会相约撑下枱脚食饭，今晚就食个放题，又可以听听了解下靓仔工作上困难和感受，有时都要借呢啲平台都系一个好好嘅沟通方式和好感恩，一路食一路讲真系几舒服呢！而且好近地铁只系行几分钟就到非常方便。环境布置得非常之色彩缤纷！地方都算几大，冷气又好足够，侍应生非常有礼貌招呼呢！介绍主菜有三款~~系可以任食任叫嘅！龙虾汁海鲜扁意粉，黑松露杂菌意大利饭(素)，香辣忌廉鸡丝意粉，起初唔知道𠮶份量有几多，就叫咗头两款先。而且都好快送到嚟，份量就比想像中较少，之后总共各款叫多一碟。哈哈！无肉食阿仔都系差啲啲㖞！于是便试下menu有介绍只加$50 烤肉拼盘~~ BBQ猪肋骨，猪手和烧春鸡。份量好满意！二人好够食，但味道一般般，猪手肉比较香口嫩滑感，只可惜得3小旧。汤饮有二款~~黑松露杂菌忌廉汤和意式杂菜汤我哋都钟意黑松露杂菌忌廉汤，每人一碗。前菜~~沙律吧都有好几款沙律选择呢！饮品种类都好特别~~咖啡奶茶柠檬茶或者系花茶等等...都系要自己冲㗎，多少随意，我就冲咗杯胎菊茉莉花茶，清清地！甜品雪糕生果等等虽然种类不算多，不过款式都几吸引㗎！仲有一个几特别嘅就系自制棉花糖了，咁啱见有人整！几好玩几特别
环境布置得非常之色彩缤纷！地方都算几大，冷气又好足够，侍应生非常有礼貌招呼呢！
介绍主菜有三款~~
系可以任食任叫嘅！龙虾汁海鲜扁意粉，黑松露杂菌意大利饭(素)，香辣忌廉鸡丝意粉，起初唔知道𠮶份量有几多，就叫咗头两款先。
而且都好快送到嚟，份量就比想像中较少，之后总共各款叫多一碟。哈哈！
无肉食阿仔都系差啲啲㖞！于是便试下menu有介绍只加$50 烤肉拼盘~~ BBQ猪肋骨，猪手和烧春鸡。
份量好满意！二人好够食，但味道一般般，猪手肉比较香口嫩滑感，只可惜得3小旧。
汤饮有二款~~
黑松露杂菌忌廉汤和意式杂菜汤
我哋都钟意黑松露杂菌忌廉汤，每人一碗。
前菜~~沙律吧都有好几款沙律选择呢！
饮品种类都好特别~~咖啡奶茶柠檬茶或者系花茶等等...都系要自己冲㗎，多少随意，我就冲咗杯胎菊茉莉花茶，清清地！
甜品雪糕生果等等虽然种类不算多，不过款式都几吸引㗎！
仲有一个几特别嘅就系自制棉花糖了，咁啱见有人整！几好玩几特别呀！
总结~自助食物多番啲肉类会更好，环境舒服，服务唔错有礼貌。
张贴
