影片
更多
2019-01-21
118 浏览
今日難得有空閒時間，就同朋友去左銅鑼灣行街，朋友提議食西餐，就去左mini club 食晚飯。入去餐廳，第一眼就見到好大個反轉既巴黎鐵塔，配合埋星河一樣既燈飾，氣氛好浪漫。餐廳食物menu 非常豐富，drink list 亦都有勁多唔同既特色cocktail。 見到咁多選擇，選擇困難症又出現，所以前菜方面就叫個海鮮拼盤黎食，等自己唔洗再揀就食到幾樣野，海鮮非常新鮮，又生蠔又龍蝦又鮑魚，非常抵食。主食方面就試左個12oz炭燒安格斯牛仔骨，牛仔骨燒得非常香，肉質非常嫩滑，味道好惹味，而且餐廳仲已經為你準備埋海鹽，如果覺得唔夠味就可以點少少，配菜既薯蓉亦都非常好食。另外仲叫左個小食，狂野摩天倫。賣相成個摩硬倫放上枱面，非常吸引，食物總共有5款炸物，紫薯，炸蝦，芝士條，炸蠔，炸魚，住部都新鮮滾熱辣，非常好食。意粉就揀左個龍蝦汁海鮮意粉，2大隻青口，令到成道菜好吸引，加上龍蝦汁非常香，好食到停唔到口。最令朋友期待既甜品就係一個the love of EIFFEL, 成個迷你鐵塔加上各式唔同既甜品，好睇又好食，非常滿意。餐飲方面，試左餐廳既house red, 價錢平，但水準出色。總結，餐廳氣氛好
今日難得有空閒時間，就同朋友去左銅鑼灣行街，朋友提議食西餐，就去左mini club 食晚飯。入去餐廳，第一眼就見到好大個反轉既巴黎鐵塔，配合埋星河一樣既燈飾，氣氛好浪漫。
餐廳食物menu 非常豐富，drink list 亦都有勁多唔同既特色cocktail。 見到咁多選擇，選擇困難症又出現，所以前菜方面就叫個海鮮拼盤黎食，等自己唔洗再揀就食到幾樣野，海鮮非常新鮮，又生蠔又龍蝦又鮑魚，非常抵食。
主食方面就試左個12oz炭燒安格斯牛仔骨，牛仔骨燒得非常香，肉質非常嫩滑，味道好惹味，而且餐廳仲已經為你準備埋海鹽，如果覺得唔夠味就可以點少少，配菜既薯蓉亦都非常好食。
另外仲叫左個小食，狂野摩天倫。賣相成個摩硬倫放上枱面，非常吸引，食物總共有5款炸物，紫薯，炸蝦，芝士條，炸蠔，炸魚，住部都新鮮滾熱辣，非常好食。
意粉就揀左個龍蝦汁海鮮意粉，2大隻青口，令到成道菜好吸引，加上龍蝦汁非常香，好食到停唔到口。
最令朋友期待既甜品就係一個the love of EIFFEL, 成個迷你鐵塔加上各式唔同既甜品，好睇又好食，非常滿意。
餐飲方面，試左餐廳既house red, 價錢平，但水準出色。
總結，餐廳氣氛好就唔洗講，加上食物質素又高，值得推介。
张贴
