更多
2019-09-01
283 浏览
好耐之前已经听过元朗嘅朋友赞呢到嘅霸王鸡好食，但元朗真系太多好嘢食，终于前日有机会试吓霸王鸡啦！我地到店大约12:30午饭时间，店内都坐满8成人。望吓餐牌谂住叫个午餐，但原来系无午餐set，大部份都系散叫；唯独有个「价细」霸王鸡饭套餐系有跟饮品，盛惠$53元。店员话呢个set会比散叫鸡饭细碟啲，饮品亦都局限咗4款，唔可以转。由于我太想饮冻柠茶，我就唯有散叫咗个巴辣鸡配菜饭；而老公就叫咗个价细套餐。两个餐嚟到Size确系有分别，「价细套餐」比散叫大约细25%左右，不过配𠮶杯饮品就大过散叫加$8的冻柠茶。$53一个餐加埋饮品绝对够一个正常食量女仕食！讲番味道，餐牌到话霸王鸡有少少辣，但其实唔辣的，唔食辣嘅朋友都可以一试。鸡肉好滑，每一啖配上生葱炸蒜食好香口，麻油味都好香。难怪会成为店内招牌菜。至于巴辣鸡，拣佢的原因纯粹因为我钟意食辣。点知令我非常惊喜！食得出辣汁由辣椒、洋葱、麻籽等配料煮成，辣得嚟唔会太咸，又有点麻感，有点似食水煮鱼嘅味道。不过都真系几辣，钟意食辣嘅朋友可以挑战。
我地到店大约12:30午饭时间，店内都坐满8成人。望吓餐牌谂住叫个午餐，但原来系无午餐set，大部份都系散叫；唯独有个「价细」霸王鸡饭套餐系有跟饮品，盛惠$53元。店员话呢个set会比散叫鸡饭细碟啲，饮品亦都局限咗4款，唔可以转。
由于我太想饮冻柠茶，我就唯有散叫咗个巴辣鸡配菜饭；而老公就叫咗个价细套餐。
两个餐嚟到Size确系有分别，「价细套餐」比散叫大约细25%左右，不过配𠮶杯饮品就大过散叫加$8的冻柠茶。$53一个餐加埋饮品绝对够一个正常食量女仕食！
讲番味道，餐牌到话霸王鸡有少少辣，但其实唔辣的，唔食辣嘅朋友都可以一试。鸡肉好滑，每一啖配上生葱炸蒜食好香口，麻油味都好香。难怪会成为店内招牌菜。
至于巴辣鸡，拣佢的原因纯粹因为我钟意食辣。点知令我非常惊喜！食得出辣汁由辣椒、洋葱、麻籽等配料煮成，辣得嚟唔会太咸，又有点麻感，有点似食水煮鱼嘅味道。不过都真系几辣，钟意食辣嘅朋友可以挑战。
价细霸王鸡套餐
$53
39 浏览
0 赞好
0 留言
张贴
