龍亭

我覺得呢間鐵板燒嘅性價比真係好高，平時出面食鐵板燒，如果呢個質素一定唔止呢個價錢我係平日嘅中午時間去食，可能啱啱開舖，人唔算太多，所以坐得好舒適，師傅全程招呼我哋兩個人好似食緊Omakase咁，佢每一味菜都會仔細咁講解上面嘅醬汁係用咩材料製作點樣配搭。我哋叫咗個套餐包括前菜、海鮮兩款、肉類一款，仲有炒飯及甜品，女仔基本上一定夠飽。首先我一定要介紹嘅係呢個鵝肝多士，係我另外嗌嘅，唔係喺套餐入邊，原來係佢哋餐廳嘅招牌菜，中間夾住咗檸檬吉士醬，甜甜地好好味，我覺得下次一定要再叫前菜：三文魚沙律海鮮我揀咗鮑魚及東升斑，旁邊藍色泡泡係用蝶豆花整成嘅汁，可以令海鮮嘅鮮味根突出，我個人喜歡鮑魚好甜好彈牙，而東升斑出邊比較少食到，所以都係必叫之選肉類我揀咗豬，下面黃色一點點嘅係蒜香牛油汁上邊黃色少少透明嗰啲係菠蘿辣醬好特別鐵板燒牛肉上邊配咗佢哋自家製嘅蒜片好香口。另外下邊黑色嘅係黑炭鹽，再加上佢哋嘅手磨Wasabi味道好fresh炒飯粒粒分明，再加咗佢哋自家嘅蒜蓉好香口好有鑊氣嘅感覺最後甜品係紫薯雪糕，上邊有食用玫瑰，另外一粒粒嘅係豆沙爆珠，呢個雪糕嘅質地係有種煙煙韌韌嘅感覺