Openrice 訂座只可揀 6：30，我哋泊車遲咗啲，打去餐廳講聲，好有禮貌回覆叫我哋慢慢 👍
坐底就由大佬發辦揀食物，媽子鍾意食椒鹽九肚魚，粉槳一啲都唔厚，炒花甲個汁好香口，最正就係無沙 🤣 韮菜豬紅大佬話食返以前老豆煮嘅味道 🥰
西蘭花鮮魷啲魷魚好正，唔好理膽固醇住啦 🤭🤭 其他食物都美味，係啲菜有啲老，食材可以揀好啲。
餐廳格局有小小迫，隔離檯班大叔講嘢好大聲，成間餐廳都比佢哋啲聲蓋住 😣😣 嫂嫂話有機會試多次都係咁嘈就唔再返轉頭 😅😅
媽子都話啲嘢好食，其實係見到大佬就乜都好食就真 🤣🤣🤣
5 條友 8個餸兩碗粥，埋單 $900，一啲都唔貴 👍👍
1
