盈翠燒臘茶餐廳

营业中

休息中

突然想食燒鵝，又唔想去深井咁遠，所以行去聯和墟睇下有無燒臘舖，過馬路見到間叫盈翠燒臘就入左嚟幫襯。既然想食燒鵝，於是叫個燒鵝下庄來食加多個白飯。燒鵝好快嚟到但賣相超差，燒鵝皮色水啞黑，下庄脾位肉少得過份，應該偷左好啲肉去做碟頭飯。味道方面，入口過鹹，皮完全無燒過既香味，肉就太老，無牙一定咬唔到，質數可以話差過街市燒臘舖既水準，完全失望。同深井燒鵝相比，起碼差五，六班。下一次想食燒鵝，都要唔好怕遠去番深井食。