一汁一菜 (香港大廈)

呢間舖頭嘅食物係有特色，佢哋用日本飯，加咗椰汁同埋芝麻落去，牛肉咖喱係幾香口，雞肉咖喱就加咗啲甜味落去，而且份量非常之多一個餐都夠兩個人食。嘢飲就差啲淡而無味。湯都唔差唔會水汪汪，亦都睇得出落足料去煲。

環境就真係差劣，嗰啲裝食物材料嘅盒亂咁擺東歪西倒擺感覺上好似啱啱裝修一樣，門口亦都進行緊大維修，感覺好噏耷。佢啲外賣紙袋都幾薄好容易穿

但係個女侍應的存在令到呢間舖頭扣盡分數！佢全程黑口黑面一句都唔想講，態度極之惡劣，買完野連一句多謝都冇。香港好多「西」餐廳的老闆及侍應秉持呢啲攞盡着數嘅態度妄求客人付出最多金錢以及絕對服從，呸！唔怪得知而家香港咁多客人一蒞就對啲侍應惡言相向，原來都係啲侍應搞出嚟。呢個女人咁唔鍾意做就快啲返屋企玩手機！呢間舖頭快啲關門大吉，以後都唔幫襯銅鑼灣呢間舖頭