順豐排骨麵

夜晚加班路過，見無咩人，以前試過都ok 所以再試。一個樓面一腳踢，一個師父坐外面睇手機。菜單以麵食年糕為主，另外有唔少涼菜，以舖面形像嚟睇，價錢唔平。叫咗招牌排骨擔擔麵。炸排骨另上，口感可以但完全無調味，要點豉油。碗底偏冧，似經濟包装乾麵。跟無味開水豆醬一杯，但最恐怖係一碗橙色漿粉煮嘅湯，一層油浮面，輕微到唔覺嘅麻醬味，兩棵瘦弱白菜仔，一條搾菜絲，無睇錯，係一條！枱面油立立，黐立立，真係没有最差，只有更差。唔明點解仲可以生存！埋單六十。