更多
2010-12-20
175 浏览
亲戚朋友们都好钟意食Cafe Too既自助餐，唯独小弟唔系好欣赏buffet，因为食物多数都唔够热，所以除非有人请，唔系我系唔会帮衬既。作为酒店内既餐厅，Cafe Too 既服务同卫生都有信心既保证。室内设计方面：门口个酒柜非常瞩目，光猛得黎排列得好整齐；个人感觉开放式厨房靓过客人坐既地方。装修上另外一个问题系近窗既位好晒：当日我个背脊热到连冷气都感受唔倒。各款菜式既周围都有师傅现场煮制同监督，睇得出对食物既要求好认真。其中最欣赏既系佢个四川美食corner： 鲜虾粉皮：师傅好用心喺我地面前慢慢刨粉皮。粉皮好幼嫩，酱汁既份量适中，唔会太干或太湿；虾亦好鲜甜爽口，冷盘推介一！ 麻辣鸡丝：为麻辣鸡丝加酱汁前，师傅会先问每位食客爱辣既程度继而调整，非常细心。鸡丝嫩滑，鸡味冇被浓郁既麻辣酱汁完全盖哂，好难得。为食既我重攞多几碟黎加入汤河食，味道认真顶瓜瓜。必吃推介二。 比较起上黎，佢既日式食品就唔系咁吸引啦。三文鱼，吞拿鱼，立鱼等刺身都比一般差：色泽暗淡，亳无油份，食落完全冇鱼味，更谈不上新鲜，真系好似隔左几晚夜咁。因为个饭做得唔好，佢既软壳蟹卷同其他寿司卷物都非常麻麻，摆得出黎太耐Ｄ饭都变得
作为酒店内既餐厅，Cafe Too 既服务同卫生都有信心既保证。室内设计方面：门口个酒柜非常瞩目，光猛得黎排列得好整齐；个人感觉开放式厨房靓过客人坐既地方。装修上另外一个问题系近窗既位好晒：当日我个背脊热到连冷气都感受唔倒。
各款菜式既周围都有师傅现场煮制同监督，睇得出对食物既要求好认真。其中最欣赏既系佢个四川美食corner：
鲜虾粉皮：师傅好用心喺我地面前慢慢刨粉皮。粉皮好幼嫩，酱汁既份量适中，唔会太干或太湿；虾亦好鲜甜爽口，冷盘推介一！
麻辣鸡丝：为麻辣鸡丝加酱汁前，师傅会先问每位食客爱辣既程度继而调整，非常细心。鸡丝嫩滑，鸡味冇被浓郁既麻辣酱汁完全盖哂，好难得。为食既我重攞多几碟黎加入汤河食，味道认真顶瓜瓜。必吃推介二。
比较起上黎，佢既日式食品就唔系咁吸引啦。三文鱼，吞拿鱼，立鱼等刺身都比一般差：色泽暗淡，亳无油份，食落完全冇鱼味，更谈不上新鲜，真系好似隔左几晚夜咁。因为个饭做得唔好，佢既软壳蟹卷同其他寿司卷物都非常麻麻，摆得出黎太耐Ｄ饭都变得又涷又硬又干。
见大家都大赞龙虾同其他海鲜咁正，所以小弟都攞左一大碟试下：龙虾虽然肉质唔嚡，但味道普通，唔系特别鲜甜；生蚝好细只，唔肥得黎重有少少押味，完全唔掂。当日见唔到其他食家所讲既芝士焗蚝，鐡板烧带子或鹅肝，好失望，唔知系咪夜晚先有呢？
中式点心，小菜区既食物水平一般，虾饺，烧卖，叉烧包，烧味都冇乜特别。小菜有猪，牛，鸡，海鲜，菜：比较特别既系炒得好晶莹剔透既虾：虽然好透明，但系食过真系熟架，重好爽口。
原盅炖乌鸡汤：食到一半，突然听倒有人打哂响锣，咁更系走过去八下啦，原来够钟排队攞炖汤。师傅真系一盅一盅喺个大缻攞出黎架。第一轮攞唔倒唔洗惊，因为派完会再炖，重有第二次机会。盅顶系个好可爱既笑佛。每盅汤内都有乌鸡件，好足料，好甜好暖胃。值得排队推介三。
汤面吧：都系好standard 既河粉，米粉，云吞面等配各种肉类，海鲜，鱼蛋丸饺頪，同蔬菜。汤底好有味精feel，所以食完好口干。友人试左佢既东阴功汤底话唔系好精彩，我介绍既普通汤底加麻辣鸡丝野味好多。
印度咖哩：屋企整𠮶Ｄ咖哩好似好食好多，不过可能喺人地正宗得唔啱自己口味而已。个naan做得好够新鲜松化，所以都值得推介。
甜品区：中式，西式，热食，涷食，糖水，糕点，西饼，雪糕，生果，眼花撩乱，好多选择。每样都细细件，比个机会大家试多几款。中式甜品既布置怀旧得好有心思，有新派既杨枝金露，亦有旧派既红豆沙。除左好多地方都有既即叫即焗Soufflé外，重有我的最爱 ~ 香煎crepe/pancake。Crepe/pancake可以净食或叫师傅加入水果，nuts，雪糕包制。
张贴
