環境非常舒適，一行2人都安排坐4人枱，枱與枱之間有一定距離，裝修有啲Bar嘅feel，淨係黎飲下酒🍺食幾串都夠哂Chill!
特別推介以下食品：
新鮮魷魚鬚 $38/3串🦑
大推，三吋都大大串，燒到外脆內軟，串到咁靚都幾考功夫，性價比極高！
即開即燒大扇貝 $35/隻 $188/6隻
大大隻扇貝，配上超多嘅嘅蒜蓉，鮮甜得黎又夠哂重口味😍！如果多人食 必點半打 平均$31左右一隻！自己買都未必買到！
新疆羊肉串$19🐏
夠哂惹味，唔會太so，而且完全唔鞋，必食！😋
手切肥牛串$18🥩🍢
肥牛串由1/4肥同嫩肉串成，啖啖烤過嘅牛油香加埋嫩肉，非常之滿足！🤩
整體食物都好好食😋，拍得住地某大型連鎖店，食完亦唔會口乾，相信冇添加味精，而且以尖沙咀黎講，約$18一串肉，性價比非常高，方便又舒服，非常推介！👍🏻
