開頭睇到間野係兆萬已有點驚，以前係兆萬中過伏。幸好是次很不錯！
既然生日就緊食食好d啦，加左50蚊升級。
落單d野食都好快上?。
普通刺身：三文魚睇落有點瘦，但入口幼滑，很不錯。
甜蝦鮮甜味美。
吞拿魚又係得個"鞋"字。
虎蝦十分彈牙，阿豬超鍾意食，如果有埋泰式汁就更加正啦！
鮑片，八爪魚好正！。
溫泉蛋有點碎，蛋味濃&好creamy。
中華沙律味道奇怪！
芥末八爪魚軍艦十分美味，不會太"供"鼻，調得剛剛好，推介！
升級刺身：赤蝦超巨型，已去蝦腸，肉質彈牙，味道十分鮮甜creamy。
蝦頭也帶有蝦膏，十分新鮮，正！
帶子刺生鮮味十足，十分味美，encore。
1
五行壽司細細件，好靚。
黑松露帶子十分香濃，第一次食芝麻面既壽司。
甜蝦香芒卷香甜，好似食緊甜品。
生蠔用小碗裝住，已有汁在內，生蠔好滑，一口啜入口，唔腥，有點海水鮮味，入口creamy。
天婦羅粉薄身，炸得剛好，蝦肉爽口。
燒海蝦十分香，但失手，燒得過乾，蝦肉有點乾。
焗蠔蠔肉超細。
燉蛋個盒好靚，又香又滑十分美味，好想拎個蛋殼返屋企！
煮蜆好妹味，最緊要係吐沙乾淨，食落無沙，正！
焦糖菠蘿表面不夠脆，但十分香甜！
今次終於無兆萬中伏，實在好開心。
整體黎講食物不錯，款都幾多，加50蚊有升級(算平)，出既數量都算齊，good！
