蟹點

营业中

休息中

自從港鐵南港島線通車後，交通方便左，所以決定同朋友去挑戰位於鴨脷洲嘅玉桂山。行完山之後決定去就近嘅鴨脷洲西邨街市。一去到街市，就見到好大張海報一坐電梯上去就見到間餐廳。一入到門口就見到一個大魚缸，魚缸裏面嘅海鮮非常生猛。熟食市場翻新後，整潔企理，而且座位寬敞，啱晒我哋呢啲行完山嘅人，可以坐得舒舒服服。菜式種類好多，坐低嘅時候見到啲蟹啱啱送來，隻隻都好大隻，所以決定叫返個炒蟹。咖喱炒蟹（大蟹）蟹肉原汁原味，肉汁鮮甜，蟹鉗啖啖肉，包上了咖喱醬汁，入口極之惹味。拳頭咁大嘅蟹鉗。蒜蓉包表面鋪滿蒜蓉，充滿蒜蓉香氣。蒜蓉包配上咖喱汁、蟹膏，味道配合得天衣無縫。招牌脆皮咕嚕肉外層香脆包上甜酸醬，肉質爽口軟嫩，菠蘿分開上，凍冰冰清甜多汁，甜酸開胃。