之前都食過其他分店，鍾意呢間餐廳既中菜有點新潮又好味
今次都冇令我失望
銅鑼灣分店都做得好好
入面分了幾區，每區既位置都不少
裝修得好新同環境乾淨
呢度既餐具都好講究，個碗上面仲有條魚仔好得意
筷子都有寫上餐廳名字，水杯呈鑽石外紋，閃閃發光的
今日叫了呢道鮮淮山，我都係第一次食。同煲湯既淮山口感完全不同，呢款鮮淮山口感會腍身點，鮮甜一點，而且淋上了胡麻醬，味道好香好滋味
完全比了我一種好清新好唔同既感覺
呢款都可算是招牌菜之一，見差不多每檯食客都有點呢
飯搓成一個球形，再經過煎得外皮香脆，之後放到湯上
泡飯仲以特別器皿放著，下面會有蠟來加熱，所以隨時都會飲到暖暖的湯跟熱熱的泡飯
把黃金球打碎再慢慢拌勻，之後會見到好多又綿身既飯粒出現，呢個泡飯又可以食到綿身飯粒又可以食到外皮焦香既飯焦
湯料中材料都不少，有菇類、菜類等，每啖泡飯都好惹味好足料
呢款蝦球都係我既至愛
把蝦球炸得香脆再淋上了蜂蜜柚子汁，味道酸酸甜甜，超醒胃
中間蝦球又大大粒同彈牙，味道跟口感都絕對一流
食左咁多野就返道菜類清一清
呢款翠肉瓜好爽脆，好好味而且仲配上好多件既素遼蔘
味道彈牙口感唔錯呀呢道菜清清地又健康補身
最後食埋個甜點先
呢款甜點好得意，以天鵝為造型
天鵝的身以酥皮做，酥皮既底部仲有滿滿的芝麻，整隻天鵝味道好香，又脆
天鵝的中間部分是紫薯
酥皮包著又香又綿又甜既紫薯，好好味
名館每次都比到我好滋味既用餐享受
期待下次再來食不同款式的小菜
