巧得鍋 (已結業)

今次又嚟到觀塘行街搵嘢食，最鍾意發掘新餐廳試下，今次就嚟到巧得鍋，個名幾搞笑，餐廳裝修簡約，座位寬闊有卡位，光線充足，每張枱都已經有打邊爐或者鐵板燒烤，座位都算多，如果唔係食雞煲就真係有排等位，還有這裏抽氣做得很好，一路食都沒有感覺到油煙味 😄招牌雞煲(半隻)我哋就揀了午餐二人煲-招牌雞煲，首先嚟咗雞煲，雞煲都好大盤，有紅椒黃椒，薑蔥蕎頭，半隻雞都好大隻，隻雞唔係美國肥雞，雞肉嫩滑，汁底味道剛好，唔會覆蓋了雞的味道，還跟兩個白飯，可以撈埋啲汁食，正魚湯浸娃娃菜魚湯湯底濃鬱，好有魚味，娃娃菜又好甜，加埋落魚湯度更加鮮甜